لاہور:خطے میں جاری کشیدگی کے تناظر میں ایرانی وزیر خارجہ سید عباس عراقچی آج ایک روزہ دورے پر اسلام آباد پہنچ گئے۔
ذرائع کے مطابق ایرانی وزیر خارجہ کے ہمراہ ایک اعلیٰ سطح کا وفد بھی ہے۔
اسلام آباد ائیرپورٹ پر ایرانی وزیر خارجہ کا استقبال وزارت خارجہ کے اعلیٰ حکام اور ایرانی سفیر نے کیا۔
دورے کے دوران وہ پاکستان کے وزیر خارجہ اسحاق ڈار سے بھی ملاقات کریں گے جس میں پاک ایران تعلقات اور خطے کی موجودہ صورتحال پر تبادلہ خیال کیا جائے گا۔
ذرائع کے مطابق ایرانی وفد اسلام آباد سے کل بھارت کے لیے روانہ ہوگا۔
