پاکستان نے آسٹریلیا کیخلاف سیریز کے دوسرے ٹی20 میچ میں 9 وکٹوں کے نقصان پر 127 رنز بنالیے۔
سڈنی میں جاری دوسرے ٹی 20 میچ میں پاکستان نے آسٹریلیا کے 147 رنز کے جواب میں اپنی اننگز کا آغاز کیا، تاہم ابتدا ہی سے ٹیم لڑکھڑا گئی اور آسٹریلوی بالرز کے سامنے زیادہ دیر ٹھہر نہیں سکی۔
پاکستان کی آسٹریلیا کے خلاف پہلی وکٹ 12 رنز پر گر گئی، جب بابراعظم صرف 3 رنز بنا کر پویلین لوٹ گئے۔ اس کے بعد صاحبزادہ فرحان 5 رنز بنا سکے اور اس طرح 17 رنز پر پاکستان کے دوسرے کھلاڑی بھی میدان سے باہر چلے گئے۔
کپتان محمد رضوان 16 بنا کر آؤٹ ہوئے تو قومی ٹیم کا مجموعی اسکور 44 رنز تھا۔ اس کے فوراً بعد نائب کپتان سلمان علی آغا بھی کپتان صفر پر پویلین لوٹ گئے۔ بعد ازاں عثمان خان 52 رنز بنا کر کیچ آؤٹ ہوئے تو پاکستانی ٹیم 102 رنز پر پہنچ چکی تھی۔
پاکستان کی چھٹی وکٹ 106 رنز پر گری۔ آسٹریلوی فاسٹ بالر اسپنر جانسن نے 5 وکٹیں حاصل کیں۔
بعد ازاں پاکستان کی ساتویں وکٹ 107 رنز پر گر گئی اور شاہین شاہ آفریدی بغیر کھاتہ کھولے بولڈ ہو گئے۔ اس کے فوری بعد ہی قومی ٹیم کے آٹھویں کھلاڑی بھی بغیر کوئی رن بنائے پویلین لوٹ گئے۔
نسیم شاہ نویں نمبر پر میدان میں اترے اور بغیر کوئی رن بنائے آؤٹ ہو گئے، اس وقت قومی ٹیم کا مجموعی اسکور 127 رنز تھا۔
قبل ازیں پہلے بیٹنگ کرتے ہوئے آسٹریلوی ٹیم نے مقررہ 20 اوورز میں 9 وکٹوں کے نقصان پر 147 رنز بنائے، آسٹریلوی اوپنرز نے جارحانہ کھیل کا مظاہرہ کیا، ابتدائی تین اوورز میں ہی ٹیم کا اسکور 52 رنز تک پہنچا دیا تاہم متھیو شارٹ 32 اور جیک فریزر میک گرک 29 رنز پر پویلین لوٹے جبکہ کپتان جوش انگس صفر پر ساتھ چھوڑ گئے۔
دیگر کھلاڑیوں میں گلین میکسویل 21، مارکس اسٹوئنس 14، ٹم ڈیوڈ 18، آرون ہارڈی 28، زیویئر بارٹلیٹ 5 رنز بناکر آؤٹ ہوئے۔
پاکستان کی جانب سے حارث رؤف نے 4، عباس آفریدی نے 3 جبکہ سفیان مقیم نے 2 کھلاڑیوں کو پویلین بھیجا۔
ہدف کے تعاقب میں پاکستانی ٹیم کا آغاز اچھا نہ رہا، اوپنر بابراعظم 3 جبکہ صاحبزادہ فرحان 5، کپتان محمد رضوان 16 اور آغا سلمان صفر پر پر پویلین لوٹ گئے۔
آسٹریلیا کی جانب سے اسپینسر جانسن نے 3 اور زیویئر بارٹلیٹ نے ایک وکٹ حاصل کی۔
قبل ازیں آسٹریلوی ٹیم کے کپتان جوش انگلس نے ٹاس جیت کر پہلے بیٹنگ کرنے کا فیصلہ کیا، انہوں نے کہا کہ میچ میں فتح کیساتھ سیریز اپنے نام کرنا چاہتے ہیں۔
اس موقع پر قومی ٹیم کے کپتان محمد رضوان نے کہا کہ میچ میں کامیابی سمیٹ کر سیریز برابر کرنا پہلا ہدف ہے، انہوں نے کا کہ پلئینگ الیون میں ایک تبدیلی کی گئی ہے حسیب اللہ خان کی جگہ سفیان مقیم کو شامل کیا گیا ہے۔
پاکستان کا اسکواڈ
کپتان محمد رضوان، بابراعظم، صاحبزادہ فرحان، عثمان خان، سلمان آغا، عرفان خان، عباس آفریدی، شاہین شاہ آفریدی، حارث رؤف، نسیم شاہ، سفیان مقیم
آسٹریلیا کا اسکواڈ:
کپتان جوش انگلس، جیک فریزر میک گرک، میٹ شارٹ، گلین میکسویل، ٹم ڈیوڈ، مارکس اسٹوئنس، آرون ہارڈی، زیویئر بارٹلیٹ، نیتھن ایلس، ایڈم زمپا، اسپینسر جانسن
