امریکی خلائی ادارے ناسا نے چاند پر خلانوردوں کے اترنے کے لیے متعدد جگہوں کا انتخاب کر لیا۔
ایجنسی کی جانب سے انسان کو چاند پر دوبارہ بھیجنے کا مشن آرٹیمس تھری ستمبر 2026 میں متوقع ہے۔ اپولو مشن کے بعد گزشتہ 50 برسوں یہ پہلا موقع ہوگا جب انسان چاند پر اترے گا۔
ناسا میں چاند تا مریخ پروگرام کی ایک عہدے دار لیکیشا ہاکنز نے ایک بیان میں کہا کہ آرٹیمس انسانیت کو چاند پر واپس لے کر جانے کے ساتھ ان دیکھے مقامات کا مشاہدہ کرائے گا۔ ناسا کی جانب سے ان خطوں کا انتخاب عملے کی چاند کے جنوبی قطب کے قریب بحفاظت لینڈنگ کے عزم کو ظاہر کرتا ہے۔
ناسا نے اس مشن کے لیے چاند پر لینڈنگ کے نو ممکنہ مقامات کا انتخاب کیا ہے اور یہ سب جنوبی قطب کے قریب ہیں۔ ادارے کے انجینئروں اور سائنس دانوں نے لونر ریکونائسینس آربیٹر اور دیگر مطالعوں سے حاصل ہونے والے ڈیٹا کو استعمال کرتے ہوئے چاند کے جنوبی قطب کا جائزہ لیا ہے۔
منتخب کیے گئے علاقوں میں سلیٹر پلین، نوبِل رِمز 1 اور 2، مونس موٹن، ڈی گرلیش رِم 2، مونس موٹن پلیٹو، میلاپرٹ میسِف، ہیورتھ اور کیبیئس بی کے قریب ایک چوٹی ہے۔
