انگلیںڈ کے خلاف تیسرے ٹیسٹ میچ کیلئے قومی ٹیم میں ایک تبدیلی کیے جانے کا امکان ہے۔
میڈیا رپورٹس کے مطابق جمعرات سے راولپنڈی کرکٹ اسٹیڈیم میں شروع ہونے والے ٹیسٹ میچ میں قومی ٹیم میں ایک تبدیلی متوقع ہے۔
سلیکٹرز لیگ اسپنر زاہد محمود کی جگہ فاسٹ بولر محمد علی کو شامل کرنے پر غور کر رہے ہیں کیونکہ راولپنڈی میں انہیں ریورس سوئنگ مل سکتی ہے جس کا فائدہ پاکستان کو پہنچ سکتا ہے۔
محمد علی 2 روز سے کوچنگ اسٹاف کی نگرانی میں نیٹ پر بھرپور انداز میں بالنگ کروارہے ہیں۔
اس سے قبل انگلینڈ نے دوسرے ٹیسٹ میں اپنی ٹیم میں 2 تبدیلیاں کرتے ہوئے اپنی پلیئنگ الیون کا اعلان کیا تھا، انہوں نے فاسٹ بولرز کو آرام دیکر اسپنرز کو اسکواڈ کا حصہ بنایا تھا۔
پاکستان نے ملتان میں دوسرا ٹیسٹ جیت کر سیریز 1-1 سے برابر کردی ہے، اس ٹیسٹ میچ میں اسپنرز نعمان علی اور ساجد خان نے تمام 20 وکٹیں لے کر 2021 کے بعد پہلی جیت میں اہم کردار کیا۔
