پاکستانی صحافی اور تجزیہ کار ارشاد بھٹی دوسری شادی کے بندھن میں بندھ گۓ۔
ارشاد بھٹی کی پہلی اہلیہ 2022 میں ایک طویل بیماری کے بعد انتقال کر گئی تھیں۔ ان کے انتقال کے بعد ارشاد بھٹی نے مختلف پروگرامز میں اپنی اہلیہ کی محبت اور یادوں کا تذکرہ نم آنکھوں سے کیا، جس پر انہیں عوام کی جانب سے بھرپور دعائیں اور ہمدردیاں موصول ہوئیں۔
اب ارشاد بھٹی نے سما راج کے ساتھ دوسری شادی کر لی ہے، جو ایک سابق اداکارہ اور سوشل میڈیا انفلوئنسر ہیں۔
شادی کی خوبصورت تقریب لاہور کی بادشاہی مسجد کے قریب واقع ریسٹورنٹ میں منعقد کی گئی جس میں قریبی دوست احباب اور رشتہ داروں نے بھرپور شرکت کی۔
شادی کی ویڈیوز سوشل میڈیا پر وائرل ہورہی ہیں جن میں سماراج اورارشاد بھٹی کو فوٹوشوٹ کراتے دیکھا جاسکتا ہے۔
سابقہ اداکارہ سماراج نے اپنے آفیشل انسٹاگرام اکاؤنٹ پر بھی شادی کی ویڈیوز کو شیئر کرتے ہوئے کیپشن میں قرآنی آیت کا ترجمہ تحریر کیا ’اور ہم نے تمہیں جوڑوں میں پیدا کیا‘۔
ٹیم پاک ناروے نیوز میڈیا گروپ ارشاد بھٹی کو شادی کے اس خوبصورت موقع پر ڈھیروں مبارکیں پیش کرتا ہے۔
