دنیا بھر میں بہت سے مشہور تھیم پارکس ہیں۔ تاہم ایک پارک باقیوں سے سب سے الگ ہے اور وہ ہے کورونا وائرس تھیم پارک۔
ویتنام میں واقع اس منفرد پرکشش پارک کو Covid-19 پارک کہا جاتا ہے۔ یہ ٹوئن لام جھیل نیشنل ٹورسٹ کمپلیکس کا حصہ ہے جو ملک کے جنوب مشرقی علاقے میں واقع ہے۔
ماضی میں کئی سوشل میڈیا صارفین اس کے بارے میں پوسٹ کر چکے ہیں لیکن حال ہی میں یہ ایک 29 سالہ برطانوی سوشل میڈیا صارف ایلا ریبک کی ایک پوسٹ کے بعد وائرل ہوا ہے جنہوں نے اس پارک کی ایک ویڈیو شیئر کی۔
ایلا ریبک نے پوسٹ کے کیپشن میں لکھا کہ کیا کوئی جانتا ہے کہ یہ موجود ہے؟ کون کوویڈ 19 کی تھیم پر ایک مکمل پارک بناتا ہے؟” مجھے ویتنام بہت پسند آرہا ہے۔
انہوں نے مزید کہا کہ یہ ایک عجیب تجربہ تھا۔ میں اور دوسرے مسافر اپنی ہنسی روک نہیں پارہے تھے اور ہم ادھر ادھر دیکھتے رہے کہ آیا کسی مقامی لوگوں کو بھی یہ مضحکہ خیز لگ رہا ہے، لیکن وہ سب سنجیدہ لگ رہے تھے۔
