ایک برطانوی تحقیق میں معلوم ہوا ہے کہ سبزی خوری کرنے والے افراد گوشت خور افراد سے زیادہ الٹرا پروسیسڈ غذائیں کھاتے ہیں۔
اگرچہ سبزی خوروں کی غذائیں تازہ پھل اور سبزیوں سے بھرپور ہوتی ہیں لیکن یہ افراد چاکلیٹ، تیار کھانے، فروزن پیزا اور سوڈا کی شکل میں بڑی مقدار میں الٹرا پروسیسڈ غذائیں استعمال کرتے ہیں۔
امپیریل کالج لندن کی سربراہی میں کام کرنے والی ماہرین کی ٹیم نے تقریباً دو لاکھ برطانوی شہریوں کا سروے کیا اور ان کی روزانہ اوسطاً الٹرا پروسیسڈ غذاؤں کی کھپت کے ساتھ ان کی معمول کی غذا کے متعلق جاننے کی کوشش کی۔
مطالعے میں معلوم ہوا کہ الٹرا پروسیسڈ غذائیں تمام شرکاء کی غذاؤں کا پانچواں حصہ تھیں لیکن سبزی خور افراد ان غذاؤں پر زیادہ انحصار کرتے پائے گئے۔
مجموعی طور پر محققین کو معلوم ہوا کہ سبزی خور افراد گوشت کھانے والے افراد کے مقابلے میں زیادہ الٹرا پروسیسڈ غذائیں کھاتے ہیں۔
محققین کا کہنا تھا کہ تحقیق کے نتائج میں سبزی خوروں میں الٹرا پروسیسڈ غذا پودوں سے بنے دودھ اور متبادل گوشت کی کھپت میں اضافہ دیکھا گیا، جو کہ تشویش ناک ہے۔
