رباط: جنات سے متعلق جب کبھی ذکر آتا ہے، تو اکثر و بیشتر انسان خوف کا شکار ہو جاتا ہے جبکہ اسی خوف کے عالم میں وہ تنہائی سے بھی ڈرنے لگتا ہے تاہم حال ہی میں جنات سے متعلق ایسی خبر وائرل ہوئی ہے، جس نے سوشل میڈیا صارفین کو بھی ہکا بکا کر دیا ہے۔
سوشل میڈیا پر مراکش سے تعلق رکھنے والے انفارمیشن کے ماہر امین رغیب کی جانب سے جنات سے متعلق ایک دعویٰ کیا گیا ہے۔امین رغیب کا انسٹاگرام پر پوسٹ میں کہنا تھا کہ ایک شخص نے مجھے کہا کہ میں اس کا سمارٹ فون چیک کردوں کہ اس کی نگرانی تو نہیں کی جا رہی ہے؟مزید بتاتے ہوئے امین کا کہنا تھا کہ خاص طور پر اس لئے بھی کہ وہ شخص ایک لڑکی سے محبت کے رشتے میں بھی تھا۔ اسے شک تھا کہ کوئی ٹریکنگ ایپلی کیشن انسٹال کرنے کے لئے اس کے فون تک رسائی حاصل کر سکتا ہامین راغب کا پوسٹ میں کہنا تھا کہ میں نے اس شخص کا فون بہت احتیاط سے اس لئے بھی چیک کیا کہ وہ ایک معروف شخصیت ہے لیکن میں فون چیک نہ کر سکا کیونکہ مجھے اس میں کچھ نہ ملا۔
پوسٹ میں امین راغب نے کہا کہ جب بھی اس نے فون پر دکھائی دینے والی ایپلی کیشنز میں سے کسی ایک تک رسائی حاصل کرنے کی کوشش کی تو وہ ایسا کرنے میں ناکام رہا۔اپنے دعوے میں بتایا کہ ایسی صورتحال قابل اعتبار نہیں ہوتی کیونکہ زیر بحث شخصیت رقیہ شریعیہ کے سیشن کر رہاہے۔اس شخص کو بتایا گیا تھا کہ یہ ایک ایسا فون ہے جو کہ راز ہے، راز کو کوئی بھی نہیں سمجھ سکے گا۔
آئی ٹی ایکسپرٹ بھی اس فو ن کے حوالے سے تذبذب کا شکار ہیں جبکہ دعوے میں کہنا تھا کہ جنات نے فون ہیک کر لیا ہے، مطلوبہ معلومات کا نشان ہی مٹا دیا ہے جبکہ اس شخصیت نے دعویٰ کرتے ہوئے انکشاف کیا کہ اس فون کو چیک کرنے کے بعد رات کے وقت دم گھٹنے جیسی صورتحال محسوس ہو رہی تھی، رات کو جنات اس کا سانس بند کر رہے تھے کیونکہ اس نے فون تک رسائی حاصل کرنے کی کوشش کی تھی۔سوشل میڈیا صارفین بھی امین راغب کے اس پوسٹ پر حیرانگی کا اظہار کرتے دکھائی دے رہے ہیں۔
