راولپنڈی ٹیسٹ میچ کے چوتھے روز پاکستان کیخلاف بنگلادیش کی بیٹنگ جاری ہے۔
مہمان ٹیم نے پہلی اننگز میں 6 وکٹوں کے نقصان پر 370 رنز بنا لیے ہیں اور اسے خسارہ پورا کرنے کیلیے مزید 78 رنز درکار ہیں۔
راولپنڈی میں ہیونے والے ٹیسٹ میچ کے چوتھے روز بنگال ٹائیگرز نے 5 کھلاڑیوں کے نقصان پر 316 رنز سے کھیل کا آغاز کیا تو مشفق الرحیم اور لٹن داس کریز پر موجود تھے۔
لٹن داس 56 رنز بنا کر نسیم شاہ کی گیند پر محمد رضوان کے ہاتھوں کیچ آؤٹ ہوگئے۔
بنگلہ دیش کی جانب سے پہلی اننگز میں شادمان اسلام نے 93، ذاکر حسن 12، کپتان نجم الحسن شانتو 16، مومن الحق 50، شکیب الحسن 15 اور لٹن داس نے 56 رنز بنائے۔
پاکستان کے نسیم شاہ نے 2، خرم شہزاد 2، محمد علی 1 اور صائم ایوب نے 1 وکٹ لی۔
پاکستان نے 6 وکٹوں کے نقصان پر 448 رنز بناکر اپنی پہلی اننگز ڈیکلیئر کر دی تھی۔ گرین شرٹس کی جانب سے عبداللہ شفیق نے 2، صائم ایوب 56، کپتان شان مسعود 6، بابراعظم 0، نائب کپتان سعود شکیل 141، محمد رضوان 171، آغا سلمان 19 اور شاہین شاہ آفریدی نے 29 رنز اسکور کیے۔
بنگلادیش کے شریف الاسلام اور حسن محمود نے 2، 2 وکٹیں حاصل کیں جبکہ مہدی حسن مرزا اور شکیب الحسن نے ایک ایک کھلاڑی کو آؤٹ کیا۔
