سال 1992 سے 2017 تک شائقین کو اپنے سحر میں جکڑ کر رکھنے والے ہانگ کانگ سپر سکسز کو دوبارہ بحال کرنے کی تیاریاں شروع کردی گئیں۔
ہانگ کانگ کی کرکٹ کی میراث 1842 میں رکھی گئی تھی، جب پہلا آفیشل گیم کھیلا گیا تاہم نسبتاً چھوٹے سائز کے باوجود اِن مقابلوں نے کئی مینز اور ویمنز ٹیموں نے شرکت کی۔
کرکٹ ہانگ کانگ جو انٹرنیشنل کرکٹ کونسل (آئی سی سی) کا رکن ہے اعلان کیا ہے کہ 7 سال کے وقفے کے بعد ایونٹ کے تیز ترین فارمیٹ کو دوبارہ بحال کیا جارہا ہے۔
اگلا ایونٹ 1-3 نومبر 2024 کو شیڈول ہوگا، جس میں 12 ممالک کی ٹیمیں تین روز بھرپور مقابلے کریں گی۔
کرکٹ ہانگ کانگ کے چیئرپرسن چائنا برجی شروف کا کہنا ہے کہ ہم اس شاندار ایونٹ کو واپس لانے کے لیے پرجوش ہیں۔
ہانگ کانگ سکسز میں سچن ٹنڈولکر، شین وارن، ایم ایس دھونی، وسیم اکرم، شعیب ملک، سنتھ جے سوریا، انیل کمبلے، عمر اکمل، گلین میکسویل، اور ڈیمین مارٹن نے جیسے سابق اسٹارز جلوہ گر ہوچکے ہیں۔
ہندوستان، آسٹریلیا، انگلینڈ، پاکستان، جنوبی افریقہ سمیت کرکٹنگ پاور ہاؤسز کی ٹیموں نے حصہ لیا۔
موجودہ چیمپئن، جنوبی افریقہ نے فائنل میں پاکستان کو شکست دے کر 2017 کا ٹائٹل اپنے نام کیا۔
جنوبی افریقہ اور انگلینڈ سب سے زیادہ ہانگ کانگ سپر سکسز جیتنے والوں میں سرفہرست ہیں دونوں نے 5، 5 ٹائٹلز اپنے نام کیے ہیں جبکہ پاکستان 4 ٹائٹلز کیساتھ دوسرے نمبر پر ہے جبکہ سری لنکا، آسٹریلیا، بھارت اور ویسٹ انڈیز نے ایک ایک ٹائٹل جیتا ہے۔
