بھارت کے آن لائن کانٹینٹ کریئٹر پریم سرسوات نے حال ہی میں اپنے انسٹاگرام فالوورز کیلئے پونے میں واقع بھارت کے پہلے تھری ڈی پرنٹ شدہ گھر کے دورے پر لے گئے۔
ویڈیو میں 2038 مربع فٹ کے منفرد گھر کی تعمیر کے لیے استعمال ہونے والی جدید تعمیراتی تکنیک کی نمائش کی گئی ہے۔ ویڈیو میں پریم گھر کا دورہ کرتے ہیں اور اس کے مالک اور پروجیکٹ ڈائریکٹر کے ساتھ بات چیت بھی کرتے جاتے ہیں۔
پروجیکٹ ڈائریکٹر، جو اس تخلیق کے پیچھے ماسٹرمائینڈ ہیں، نے ولا کو پرنٹ کرنے کے لیے استعمال ہونے والی تکنیک پر روشنی ڈالتے ہوئے کہا کہ یہ گھر بنایا نہیں گیا بلکہ پرنٹ کیا گیا ہے۔
ویڈیو اس جدید ترین تھری ڈی پرنٹ ولا کو بنانے کے لیے استعمال ہونے والی جدید ٹیکنالوجی کی ایک دلچسپ جھلک پیش کرتی ہے۔ تکنیک کی وضاحت کرتے ہوئے پراجیکٹ ڈائریکٹر نے
بتایا کہ ہمارے پاس واقعی ایک بڑا پرنٹر ہے جسے اس مخصوص پلاٹ میں استعمال کیا گیا ہے۔ اس پرنٹر نے اس ولا کو پرنٹ کیا ہے۔
انہوں نے مزید بتایا کہ ڈیزائن کے مطابق جو کنکریٹ ہم نے استعمال کی کہ اس کی اپنی ایک ساخت ہے۔ یہ پرتیں اس لیے بنی ہیں کہ ایک مشین ہے جو ولا کے ساتھ تہہ در تہہ کنکریٹ کو پمپ کرتی ہے۔ ہر ایک پرت کو دیوار سے باہر نکالا گیا ہے جس سے دیواروں پر ابھار ہیں۔
انہوں نے بتایا کہ 2 پرتیں اور ایک کھوکھلی جگہ ہے جو ڈکٹ، پائپ اور تاریں لگانے کے لیے استعمال ہوتی ہے۔
پریم گھر کے اندرونی حصے کی بھی نمائش کرتے ہیں جس میں رہنے کی ایک بڑی جگہ اور دو بیڈروم ہیں۔
